Молитва Святому царевичу димитрию

Святой благоверный царевич Димитрий Угличский (Московский)

Родился 19 октября 1582 г. и был сыном царя Иоанна Грозного. В царствование Феодора Иоанновича, когда фактически правителем Русского государства был его шурин — властолюбивый боярин Борис Годунов, царевич Димитрий вместе с матерью, царицей Марией Феодоровной, был удален со Двора в г. Углич. Желая избавиться от законного наследника русского трона, Борис Годунов стал действовать против царевича, как против личного врага. Сначала он пытался оклеветать юного наследника престола, распустив лживые слухи о его мнимой незаконной рожденности. Потом распространил новый вымысел, что будто бы Димитрий унаследовал суровость Государя отца своего. Поскольку эти действия не принесли желаемого, то коварный Борис решился погубить царевича. Попытка отравить Димитрия не увенчалась успехом: смертоносное зелье не вредило отроку. Тогда злодеи решились на явное преступление.

В субботний день 15 мая 1591 г., кода отрок гулял с кормилицей во дворе, подосланные убийцы, Осип Волхвов, Данило Битяговский и Никита Качалов, зверски зарезали царевича.

Царевич Димитрий был погребен в Угличе, во дворцовом храме в честь Преображения Господня. Множество чудес и исцелений стало совершаться у его гробницы, особенно часто исцелялись больные глазами. А 3 июля 1606 г. святые мощи страстотерпца царевича Димитрия были обретены нетленными.

Молитвы святому великомученику Димитрию Солунскому

Велика обрете в бедах тя поборника вселенныя, страстотерпче, языки побеждающа, якоже убо Лиеву низложил еси гордыню, на подвиг дерзновенна сотворив Нестора, тако, святе Димитрие, Христу Богу молися, даровати нам велию милость.

Кондак святому великомученнику Димитрию Солунскому, глас 2-й

Кровей твоих струями, Димитрие, Церковь Бог обагри, давый тебе крепость непобедимую, и соблюдая град твой невредим; того бо еси утверждение.

Молитва первая святому великомученнику Димитрию Солунскому при глазных болезнях

Святый и славный великомучениче Христов Димитрие, скорый помощниче и теплый заступниче с верою притекающих к тебе! Предстоя со дерзновением Небесному Царю, испроси у Него прощение согрешений наших, и еже избавитися нам от всегубительныя язвы, труса, потопа, огня, меча и вечныя казни: моли благость Его, еже ущедрити град сей (обитель сию) и всякую страну христианскую, исходатайствуй у Царя царствующих на враги победу народу русскому и всей же державе нашей мир, тишину, твердость в вере и преспеяние во благочестии; нам же, чтущим честную память твою, испроси благодатное укрепление на дела благая, да, благоугодное Владыце нашему Христу Богу зде творяще, сподобимся молитвами твоими наследовати Царствие Небесное и тамо прославляти Его со Отцем и Святым Духом во веки веков. Аминь.

Молитва вторая святому великомученнику Димитрию Солунскому читаемая при нападении врагов, а также для защиты дома от пожара

Святый великомучениче Христов Димитрие! Предстоя со дерзновением Небесному Царю, испроси у Него прощение согрешений наших и о еже избавитися нам, окаянным (имена) от всегубительныя язвы, огня и вечныя казни. Моли благость Его, еже ущедрити приход (дом) сей и храм наш. Испроси нам благодатное укрепление на дела благая, да благоугодное Владыце нашему Христу Богу зде творяще, сподобимся молитвами Твоими наследовати Царствие Небесное и тамо прославляти Его, со Отцем и Святым Духом, во веки веков.

Молитва Святому царевичу димитрию

В ели́ка обре́те в беда́х тя побо́рника земля́ Ру́сская,/ язы́ки побежда́юща./ Я́коже на Дону́ Мама́еву низложи́л еси́ горды́ню,/ на по́двиг сей прия́в благослове́ние преподо́бнаго Се́ргия,/ та́ко, кня́же Дими́трие,/ Христу́ Бо́гу моли́ся,// дарова́ти нам ве́лию ми́лость.

П о́двиги твои́ми, свя́те Дими́трие,/ страну́ на́шу Бог сохрани́,/ да́вый тебе́ си́лу непобеди́мую./ И ны́не, предста́телю кре́пкий,/ соблюда́й моли́твами святы́ми/ град твой Москву́ невреди́м // от всех наве́т вра́жиих.

О святы́й благове́рный вели́кий кня́же Дими́трие! А́ще и не мно́зи бы́ша дни́е земна́го жития́ твоего́, оба́че вели́к жре́бий прия́л еси́ от Соде́теля всех Го́спода, е́же просла́витися в земли́ Росси́йстей и блаже́нство ве́чное на Небесе́х получи́ти. Услы́ши нас, моли́твенниче те́плый, предста́телю наш пред Го́сподем неусы́пный! Во дни ми́ра и в годи́ну нестрое́ний не оста́ви нас попече́нием твои́м, научи́ ны поко́рны бы́ти Боже́ственному Промышле́нию, вся в житии́ на́шем ко бла́гу направля́ющему, оте́чество на́ше моли́твами твои́ми от наше́ствий вра́жиих, раздо́ров и нестрое́ний защити́ и укрепи́ те́плым твои́м предста́тельством. О свя́тче Бо́жий! Моли́, ку́пно со свято́ю супру́жницею и сподви́жницею твое́ю благове́рною княги́нею Евдоки́ею, да зна́менается на нас свет лица́ Бо́жия, и, тем наставля́еми, дости́гнем Ца́рства Пра́вды Христо́вы, несконча́емаго и ве́чнаго. Ами́нь.

О святы́й уго́дниче Бо́жий, пра́ведне Дими́трие! По́двигом до́брым подвиза́вся на земли́, восприя́л еси́ на Небесе́х вене́ц пра́вды, его́же угото́вал есть Госпо́дь всем лю́бящим Его́. Те́мже взира́юще на святы́й твой о́браз, ра́дуемся о пресла́внем сконча́нии жи́тельства твоего́ и чтим святу́ю па́мять твою́. Ты же, предстоя́ Престо́лу Бо́жию, приими́ моле́ния на́ша и ко Всеми́лостивому Бо́гу принеси́, о е́же прости́ти нам вся́кое прегреше́ние и помощи́ нам ста́ти проти́ву ко́знем диа́вольским, да изба́вльшеся от ско́рбей, боле́зней, бед и напа́стей и вся́каго зла, благоче́стно и пра́ведно поживе́м в ны́нешнем ве́це и сподо́бимся предста́тельством твои́м, а́ще и недосто́йни есмы́, ви́дети блага́я на земли́ живы́х, сла́вяще Еди́наго во святы́х Свои́х сла́вимаго Бо́га, Отца́ и Сы́на и Свята́го Ду́ха, ны́не и во ве́ки веко́в. Ами́нь.

В елича́ем тя, / святы́й благове́рный вели́кий кня́же Дими́трие, / и чтим святу́ю па́мять твою́, / ты бо мо́лиши о нас // Христа́ Бо́га на́шего.

Молитва Святому царевичу димитрию

Ц а́pскую диади́му обагpи́л еси́ кpо́вию твое́ю,/ Богому́дpе му́чениче,/ за скиптp кpест в pуку́ пpии́м,/ яви́лся еси́ победоно́сец,/ и же́pтву непоpо́чну Влады́це пpине́сл еси́ себе́,/ я́ко бо а́гнец незло́бив от pаба́ заколе́н еси́,/ и ны́не pа́дуяся пpедстои́ши Святе́й Тpо́ице./ Моли́ся о деpжа́ве сpо́дников твои́х богоуго́дней бы́ти // и сыново́м росси́йским спасти́ся.

Ин тропарь, глас 2:

Я́ ко благочести́ваго ко́рене Боголюби́вый произы́де плод, / я́ко а́гня незло́биво, непови́нно во младе́нстве закла́н бысть / от властолю́бца вку́пе и зла́го раба́. / Тем, я́ко златы́ми кри́лы, / душе́вною чистото́ю и младе́нческим незло́бием / к Небе́сней высоте́ возлете́л еси́, страстоте́рпче Дими́трие. / И ны́не кровь твоя́ от земли́ та́йно вопие́т к Бо́гу, / я́ко А́веля пра́веднаго. / Сего́ ра́ди покланя́емся ве́рою ти, / сла́вяще просла́вльшаго тя Бо́га, / Его́же моли́ стране́ на́шей благоуго́дней бы́ти // и сыново́м ру́сским спасти́ся.

Ин тропарь, глас 1:

В сеору́жеством Ду́ха благода́ти вооруже́н быв / и необори́м столп и утвержде́ние оте́честву своему́ показа́ся, / я́ко а́гнец незло́бивый, от врага́ непра́ведно закла́н быв / и в же́ртву непоро́чну Го́сподеви принесе́ся. / И ны́не дар благода́ти от всех Подвигополо́жника прие́м, / источа́еши всем исцеле́ние, достохва́льне благове́рный царе́вичу кня́же Дими́трие. / Сла́ва Восприи́мшему тя от земны́х в Небе́сная, / сла́ва Венча́вшему тя венце́м неувяда́емым, // сла́ва Де́йствующему тобо́ю всем исцеле́ние.

Ин тропарь на перенесение мощей, глас 8:

Д несь вельми́ хва́лится ца́рствующий град Москва́,/ име́я в себе́ пра́ведныя твоя́ мо́щи,/ благове́рне царе́виче Дими́трие,/ я́ко цве́ти благоуха́ннии,/ пребыва́еми во святе́м хра́ме,/ просвеще́ние подаю́т душа́м и те́лом на́шим./ Тем ра́достно тя восхваля́ем,/ и честно́е пренесе́ние моще́й твои́х ве́рно почита́ем, и мо́лим тя:/ моли́ Христа́ Бо́га // дарова́ти нам ве́лию ми́лость.

Ин тропарь на перенесение мощей, глас 2:

Я́ ко благочести́ваго ца́рского ко́рене/ Боголюби́вый произы́де плод, / я́ко а́гня незло́биво,/ непови́нно во младе́нстве за́клан бысть от властолю́бца,/ вку́пе и зла́го раба́,/ тем, я́ко златы́ми кри́лы душе́вною чистото́ю/ и младе́нческим незло́бием к Небе́сней высоте́ возлете́л еси́, Дими́трие, / и ны́не кровь твоя́ от земли́ та́йно вопие́т к Бо́гу, / я́ко А́веля пра́веднаго, / и сего́ ра́ди покланя́емся ве́рою твои́х моще́й ра́це, / из нея́же ре́ки чуде́с излива́еши / приходя́щим ти с ве́рою/ и любе́зно целу́ющим многоцеле́бныя твоя́ мо́щи,/ сла́вящим просла́вльшаго тя Бо́га. / Его́же моли́, держа́вный страстоте́рпче Дими́трие,// правосла́вным сыново́м ру́сским спасти́ся.

В озсия́ днесь в сла́вней па́мяти твое́й ве́рным весе́лие,/ я́ко бо доброра́сленный грезн, прозя́бл еси́/ и Христу́ красе́н плод прине́сл еси́ себе́./ Те́мже и по убие́нии твое́м соблюде́ те́ло твое́ нетле́нно,/ страда́льчески обагре́ное кро́вию,/ благоро́дне свя́те Дими́трие,/ соблюда́й оте́чество твое́ и град твой невреди́м,// тому́ бо еси́ утвержде́ние.

Ин кондак на перенесение мощей, глас 4:

Я́ ко пресве́тлая звезда́,/ яви́лся еси́ днесь в ца́рствующем гра́де Москве́,/ благове́рне царе́виче Дими́трие,/ сия́я пра́ведными свои́ми мощми́./ К ни́мже притека́юще, исцеле́ния дар прие́млем и глаго́лем:/ ра́дуйся, всекра́сне душе́ю,/ благоро́дне Дими́трие,/ я́ко прия́л еси́ от Бо́га ве́лий сей дар // и вене́ц нетле́нный.

Ин кондак, глас 8:

С вети́ло пресве́тлое яви́ся днесь Боже́ственная па́мять твоя́: / богодарова́нная ти чудеса́, я́ко ре́ки, / от вся́ких многоразли́чных неду́г подае́ши исцеле́ние с ве́рою призыва́ющим тя, / созыва́я нас к похвале́нию прославля́ющаго тя Бо́га. / Его́же моли́, страстоте́рпче Дими́трие, / мир ми́рови дарова́ти, / от ви́димых и неви́димых враг правосла́вныя лю́ди невреди́мы сохрани́ти, да зове́м ти: ра́дуйся, // ты бо еси́ утвержде́ние гра́ду на́шему.

О пресла́вный и ди́вный в чудесе́х, красото́ му́чеников, страстоте́рпче царе́вичу кня́же Дими́трие! Ско́ро предста́ни Небе́сному Царю́ и му́ченическия твои́ ру́це о нас, гре́шных, моле́бне к Нему́ простри́, я́ко име́яй дерзнове́ние вели́ко; сохрани́ же твои́ми моли́твами град сей, и вся гра́ды и ве́си правосла́вныя, и Святе́йшаго Патриа́рха (имя рек) и преосвяще́нныя митрополи́ты, архиепи́скопы, епи́скопы и весь свяще́нный чин церко́вный, и в пала́те бра́тию на́шу, и вся правосла́вныя христиа́ны; всех нас приими́ во твое́ заступле́ние, и от всех бед и зол избавля́я, и от наше́ствия ви́димых и неви́димых борю́щих нас враго́в свобожда́я, и тех всяк наве́т и злохи́трство погубля́я и отгоня́я; та́же прегреше́ний на́ших проще́ние испроси́, и в век бу́дущий Небе́снаго Ца́рствия нас сподо́би, и спасе́нных Бо́гу предста́ви, благода́тию и человеколю́бием Го́спода и Спа́са на́шего Иису́са Христа́, Ему́же честь и поклоне́ние подоба́ет, ны́не, и при́сно, и во ве́ки веко́в. Ами́нь.

О святы́й му́чениче, благове́рный царе́вичу и кня́же Дими́трие! Я́ко а́гнец незло́бив от раба́ заколе́нный, венце́м ца́рским от Го́спода венча́лся еси́, и сын царе́в быв, му́ченик непобеди́м яви́лся еси́, и вме́сто земны́х и тле́нных на Небеси́ нетле́нное восприя́л еси́. И ны́не предстоя́ в ра́дости Святе́й Тро́ице, посеща́й творя́щыя ве́рно твою́ светоно́сную па́мять: соблюда́й оте́чествие твое́ и град твой невреди́м, тому́ бо еси́ утвержде́ние: утверди́ правосла́вных жи́тельство в ми́ре глубо́це: междоусо́бную брань укроти́, и вся поле́зная да́руй всегда́ лю́дем твои́м моли́твами твои́ми, да ве́рою и любо́вию вопие́м: ти ра́дуйся, свя́те Дими́трие, ве́рных люде́й те́плый засту́пниче и прибе́жище и земли́ Росси́йския украше́ние. Ами́нь.

О вели́кий и ми́лостивый страстоте́рпче, царе́вичу кня́же Дими́трие! Услы́ши нас, гре́шных, моле́ние со усе́рдием тебе́ принося́щих, и помози́ нам в жи́зни сей, от грехо́в и скорбе́й избавля́я, и в бу́дущем ве́це бу́ди помо́щник и засту́пник, от муче́ний а́довых свобожда́я и сподобля́я ку́пно с тобо́ю покланя́тися и воспева́ти Всесвяту́ю Тро́ицу, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Канон святому благоверному царевичу Димитрию Угличскому

Песнь 1

Ирмос: Во глубине постла иногда фараонитское всевоинство преоруженная сила, воплощшееся же Слово всезлобный грех потребило есть: препрославленный Господь славно бо прославися.

Припев: Святый благоверный княже-мучениче Димитрие, моли Бога о нас.

Мученика Твоего, Христе, Димитрия, пети мне желающему, молитвами его, яко Благ, осияние Пресвятаго Духа даруй, да воспою светло Твоего угодника торжество.

Святый благоверный княже-мучениче Димитрие, моли Бога о нас.

Умертвившему крепость смерти подобяся, мучениче Димитрие, от раба заколение претерпел еси и, преславно в Небесныя обители вселився, трудов воздаяние приял еси, прехвальне.

Слава: Честная твоя память, мучениче, освящающи мир, приспе. Радуется же днесь преславный град Москва, твоего благаго получив заступления, и, благодаря, Спасу вопиет: препрославленный Господь, яко прославися.

И ныне: О Тебе ныне пророчество совершися, Богородительнице Владычице Чистая, Егоже бо провозвестиша высокогласно вси пророцы, Того, Невместимаго, преславно во чреве вместила еси, во двою естеству совершенна Бога же и Человека.

Песнь 3

Ирмос: Процвете есть пустыня, яко крин, Господи, языческая неплодящая, Церковь Пришествием Твоим, в нейже утвердися мое сердце.

Святый благоверный княже-мучениче Димитрие, моли Бога о нас.

Егда оставль земнаго мира темность, страдальчески же обагрено кровию тело твое скрыв на Углече, душу в Небесныя Обители, Димитрие, вселил еси, прехвальне.

Святый благоверный княже-мучениче Димитрие, моли Бога о нас.

Нощи и тьмы сынове нарекошася убийцы беззаконнии: яко агнца бо тя непорочна, ножем сбодоша, ходатаи твоему венцу Божественному, Димитрие, бывше.

Слава: Исцеления струи источаеши ко гробу твоему, мучениче Димитрие, верою притекающим, благодарно же радование подаеши поющим: несть свят, яко же Бог наш.

И ныне: Марие, златая кадильнице, страстей моих отжени смрад и утверди мя, колеблема прираженьми лукаваго ратоборца.

Господи, помилуй (трижды).

Седален, глас 4-й

Наста, празднолюбцы, светлое торжество, память славная страстоносца Христова, веселящи всяческая, сияющи в мире зарями чудес. Темже непрестанную благодать твоими молитвами у Христа испроси, мучениче Димитрие, душам нашим и велию милость.

Слава: Яко от младенства лишен еси земнаго царства, благородне Димитрие, и в того место в Небесное преселився, тамо сподобился еси Небесная благая видети, и ныне ясно зриши Святую Троицу и молишися о державе твоих сродников и за вся верныя люди, во еже бы им получити вся благая и полезная.

И ныне: Дево Всенепорочная, яже пресущнаго Бога рождшая, с мучеником Того непрестанно моли оставление прегрешений и исправление жития дати нам прежде конца, верою и любовию поющим Тя по долгу, Едина Всепетая.

Песнь 4

Ирмос: Пришел еси от Девы не ходатай, ни Ангел, но Сам, Господи, воплощся, и спасл еси всего мя, человека. Тем зову Ти: слава силе Твоей, Господи.

Святый благоверный княже-мучениче Димитрие, моли Бога о нас.

Кровию страдания тленнаго смрада избежав, Богомудре, вместо земнаго Небеснаго Царствия наследник был еси, страстотерпче, тем вси, чтуще, тя ублажаем.

Святый благоверный княже-мучениче Димитрие, моли Бога о нас.

Ангельскаго селения во дворех пребываеши и в Российстей земли благодать источаеши к раце мощей твоих любовию припадающим, страдальче, и вопиющим: слава силе Твоей, Господи.

Слава: Двери Небесныя светло отверзошася, приемше тя, мучениче, и Церковь тя ныне имеет, ликовствующи со избранными, поющи Богу: силе Твоей слава, Человеколюбче.

И ныне: Священнии провозвестиша древле гласи чревоношения Твоего глубину, ихже сбытие видяще, Чистая, поем: силе Твоей слава, Владычице.

Песнь 5

Ирмос: Ходатай Богу и человеком был еси, Христе Боже: Тобою бо, Владыко, к Светоначальнику, Отцу Твоему, от нощи неведения приведение имамы.

Святый благоверный княже-мучениче Димитрие, моли Бога о нас.

Мучениче Димитрие, яко звезда пресветлая, в Российстей земли возсиял еси, Церковь Христову светом Богоразумия озарив, тьму же от нея отгнав неведения, просветил еси ту преславных чудес явлением.

Святый благоверный княже-мучениче Димитрие, моли Бога о нас.

Имея к Богу дерзновение, Божественное твое торжество, мучениче, творящия и честное твое страдание верою чистою хвалящия поминай, преблаженне, и от бури, и бед, и напастей спасай.

Слава: Ты, яко крин благоцветущ, течением крове твоея показался еси, блаженне, и, грозд мысленный винограда Христова, благовонием чудес мир облагоухал еси, верою тя, мучениче, славящия.

И ныне: Ново яко Младенца нам Превечное Слово родила еси, двема волема и действы суща сугуба, яко Человека купно же и Бога, Всенепорочная.

Песнь 6

Ирмос: В бездне греховней валяяся, неизследную милосердия Твоего призываю бездну: от тли, Боже, мя возведи.

Святый благоверный княже-мучениче Димитрие, моли Бога о нас.

Разжегся завистию, раб убийца победися властолюбием и к зависти убийство приплете: закла тя, яко агнца непорочна, мучениче, отмщения же праведнаго не убежа.

Святый благоверный княже-мучениче Димитрие, моли Бога о нас.

Истинную чашу от твоих кровей страдальческих почерпл еси, прехвальне мучениче, и сию всегда предлагаеши Церкви, и питаеши твоими чудесы, Димитрие, вопиющия Христу: от тли, Боже, избави нас.

Слава: Яко пречестна жертва, тайней трапезе принесен быв заколением, мучениче, в Небесных Обителех преславно водворяешися, зря славу Божию и приемля болезней твоих почести и страдания.

И ныне: На Тя сошедши роса Небесная и оляденевшую землю, Приснодево, Богоразумия водами напоивши, многоплодну яви.

Господи, помилуй (трижды). Слава, и ныне:

Кондак, глас 8-й

Возсия днесь в славней памяти твоей верным веселие, яко бо доброрасленный грозд, прозябл еси и Христу красен плод принесл еси себе; темже и по убиении твоем соблюде тело твое нетленно, страдальчески обагреное кровию. Благородне святе Димитрие, соблюдай отечество твое и град твой невредим, тому бо еси утверждение.

Яко агнец непорочен, кровь твою излиял еси, богомудре Димитрие, и от Благодателя всех Бога чудес дар приял еси, и вместо тленнаго обрел еси богатство нетленное, предстоиши бо престолу славы всех Царя. Емуже о нас, мучениче, молися, да твоими молитвами от бед свободившеся, радостно возопием, глаголюще: радуйся, верных правителю. Радуйся, веры твердое забрало. Радуйся, чудо чудес преславное и пристанище тихое притекающих к тебе. Радуйся, кореню веры и молебниче о молящих ти ся. Радуйся, отечеству твоему похвала и воинству нашему на враги поборник. Сохраняй град твой невредим, тому бо еси утверждение.

Песнь 7

Ирмос: Богопротивное веление беззаконнующаго мучителя высок пламень вознесло есть, Христос же простре Богочестивым отроком росу духовную, Сый благословен и препрославлен.

Святый благоверный княже-мучениче Димитрие, моли Бога о нас.

Соблазн лукаваго раба и того хитростей превыше, яко победитель изряден, мучениче, быв, прославился еси, зовый: Боже, благословен еси.

Святый благоверный княже-мучениче Димитрие, моли Бога о нас.

Лучами, яко звезда, Соборную Церковь чудесы просветил еси, верою же притекающим к раце мощей твоих исцеление неоскудно подаеши, преблаженне, и зовущим: Боже, благословен еси.

Слава: Аки агнец непорочен и кадило благоприятно, Агнцу истинному и Пастырю, мучениче, принеслся еси в приношение всебогатно и приятно всесожжение, Емуже поем: благословен Бог отец наших.

И ныне: Невещественнаго Света вселение Твое чрево бысть, светлостьми Божественнаго разума безбожие отгнавшаго, Пречистая Богоневесто Отроковице. Емуже поем, взывающе: благословен Бог отец наших.

Песнь 8

Ирмос: Пещь иногда огненная в Вавилоне действа разделяше, Божиим велением халдеи опаляющая, верныя же орошающая, поющия: благословите, вся дела Господня, Господа.

Святый благоверный княже-мучениче Димитрие, моли Бога о нас.

Вшед, мучениче, в небеснаго круга течения, на добродетельный воздух, страданьми препоясан, Крест за скипетр в десную руку имея, сцарствовати Христу сподобился еси, Димитрие царевиче. Моли спастися нам, поющим: благословите, вся дела Господня, Господа.

Святый благоверный княже-мучениче Димитрие, моли Бога о нас.

Украшен разумом, красному Владыце предстоиши, светел присно, яко победоносец Богоприятен, укроти молитвами твоими варварская нахождения и низложи мучащее нас искушение, согнетающее злом во глубину погибели, страстотерпче Димитрие, поющих: благословите, вся дела Господня, Господа.

Слава: Пречестная твоя память, освящающи мир, приспе, всехвальне страстоносче, в нюже молимся получити тобою заступление, Димитрие, поющим славу благаго угодника: благословите, вся дела Господня, Господа.

И ныне: Священных пророк честный лик Тя прописует, кивот и несекомую гору, жезл и дверь, еюже, яко весть, пройде Вышний и паки затворену остави Тя Деву.

Песнь 9

Ирмос: Безначальна Родителя Сын, Бог и Господь, воплощся от Девы, нам явися, омраченная просветити, собрати расточенная. Тем Всепетую Богородицу величаем.

Святый благоверный княже-мучениче Димитрие, моли Бога о нас.

Обрел еси от Христа возмездие, мудре мучениче, правды венец приим и радость некончаемую, и, Небеснаго селения во дворех пребывая, державу отечества твоего поминай, мучениче Димитрие.

Святый благоверный княже-мучениче Димитрие, моли Бога о нас.

Егда принесени быша честныя твоя мощи, страстотерпче Димитрие, тогда святители, обстояще одр, царь же, и князи, и вси российстии народи воскликнуша купно память вечную, Христа величающе.

Слава: Мученик днесь сословие, святых и праведных души, яко победоносца тя и сликовника прияша, мучениче Димитрие, с нимиже радуяся, поеши Бога в Троице, спасающаго души наша.

И ныне: Разумевше издалеча прозорливыма очима, пророцы Тя яве провозвестиша, хотящую Матерь быти Вседетелю и всех Владыце. Тем Тя поем, Всепетая Богородице, и исповедуем, яко воистинну сущую Богородицу.

Молитвы святому благоверному царевичу Димитрию Угличскому и Московскому

Царскую диадиму обагрил еси кровию твоею, богомудре мучениче, за скиптр крест в руки приим, явился еси победоносец, в жертву непорочну Владыце принесл еси себе, яко бо агнец незлоблив от раба заколен еси, и ныне радуяся предстоиши Святей Троице. Моли Христа Бога спастися душам нашим.

Тропарь святому благоверному царевичу Димитрию Угличскому, глас 4-й

Всеоружеством Духа благодати вооружен быв и необорим столп и утверждение отечеству своему показася, яко агнец незлобивый, от врага неправедно заклан быв и в жертву непорочну Господеви принесеся. И ныне дар благодати от всех Подвигоположника прием, источаеши всем исцеление, достохвальне благоверный царевичу княже Димитрие. Слава Восприимшему тя от земных в Небесная, слава Венчавшему тя венцем неувядаемым, слава Действующему тобою всем исцеление.

Тропарь святому благоверному царевичу Димитрию Угличскому, глас 8-й перенесение мощей

Днесь вельми хвалится царствующий град Москва, имея в себе праведныя твоя мощи, благоверне царевиче Димитрие, яко цвети благоуханныи, пребываеми во святем храме, просвещение подают душам и телом нашим. Тем радостно тя восхваляем, и честное пренесение мощей твоих верно почитаем, и молим тя: моли Христа Бога даровати нам велию милость.

Кондак святому благоверному царевичу Димитрию Угличскому, глас 8-й

Возсия днесь в славней памяти твоей верным веселие, яко бо доброрасленный грезн, прозябл еси и Христу красен плод принесл еси себе; темже и по убиении твоем соблюде тело нетленно, страдальчески обагренное кровию. Благородне святе Димитрие, соблюдай отечество твое и град твой невредим, тому бо еси утверждение.

Молитва первая святому благоверному царевичу Димитрию Угличскому о покровительстве сиротам, инвалидам и беспризорникам

О преславный и дивный в чудесех, красото мучеников, страстотерпче княже царевичу Димитрие! Скоро предстани Небесному Царю и мученическия твоя руце о нас, грешных, молебне к Нему простри, яко имеяй дерзновение велие. Сохрани же твоими молитвами град сей и вся грады и веси православныя, и святейшия патриархи и преосвященныя митрополиты, архиепископы и епископы, и весь священный чин церковный, и вся православныя христианы; всех нас приими в твое заступление, от всех бед и зол избавляя и от нашествия видимых и невидимых борющих нас врагов свобождая, и тех всяк навет и злохитрство погубляя и отгоняя; таже прегрешений наших прощение испроси и в век будущий небеснаго царствия нас сподоби и спасенных Богу представи, благодатию и человеколюбием Господа и Спаса нашего Иисуса Христа, Ему же честь и поклонение подобает, ныне и присно и во веки веков. Аминь.

Молитва вторая святому благоверному царевичу Димитрию Угличскому о возрождении России

О святый мучениче, благоверный царевичу и княже Димитрие! Яко агнец незлобив от раба заколенный, венцем царским от Господа венчался еси, и сын царев быв, мученик непобедим явился еси, и вместо земных и тленных на небеси нетленная восприял еси. И ныне предстоя в радости Святей Троице, посещай творящих верно твою светоносную память: соблюдай отечествие твое и град твой невредим, тому бо еси утверждение: утверди православных жительство в мире глубоце: междоусобную брань укроти, и вся полезная даруй всегда людем молитвами твоими, да верою и любовию вопием ти: радуйся, святе Димитрие, верных людей теплый заступниче и прибежище и земли Российския украшение. Аминь.

Молитва третья святому благоверному царевичу Димитрию Угличскому о прощении грехов, избавления от бед и напастей

О великий и милостивый страстотерпче, царевичу княже Димитрие! Услыши нас, грешных, моление со усердием тебе приносящих, и помози нам в жизни сей, от грехов и скорбей избавляя, и в будущем веце буди помощник и заступник, от мучений адовых свобождая и сподобляя купно с тобою покланятися и воспевати Всесвятую Троицу, Отца и Сына и Святаго Духа, ныне и присно и во веки веков. Аминь.

Храм Тихвинской иконы Божией Матери в Алексеевском — Тихвинский храм в Алексеевском

8 (25 ноября) декабря 2019 г.

Неделя 25-я по Пятидесятнице. Отдание праздника Введения во храм Пресвятой Богородицы Православная школа в Свиблово

Святой благоверный Царевич Димитрий

Царскую диадиму обагрил еси кровию твоею,/ Богомудре мучениче,/ за скиптр Крест в руку приим,/ явился еси победоносец/ и жертву непорочну Владыце принесл еси себе:/ яко бо агнец незлобив, от раба заколен еси./ И ныне, радуяся, предстоиши Святей Троице,/ молися о державе сродников твоих богоугодней быти/ и сыновом российским спастися.

Возсия днесь в славней памяти твоей верным веселие,/ яко бо доброрасленный грезн, прозябл еси/ и Христу красен плод принесл еси себе;/ темже и по убиении твоем соблюде тело твое нетленно,/ страдальчески обагреное кровию./ Благородие святе Димитрие,/ соблюдай отечество твое и град твой невредим,/ тому бо еси утверждение

Дорогие братья и сестры!

15 (28) мая Святая Русская Православная Церковь чтит память невинно убиенного отрока Димитрия, младшего сына царя Иоанна Грозного от Марии Фёдоровны Нагой. Хотя царевич и был мал возрастом, однако богоотступники в своем безумии помышляли о скорейшем от него избавлении. Как нечестивый царь Ирод, ослепленный страстью властолюбия, истребил в Вифлееме 14 тысяч младенцев, надеясь, что среди них окажется Мессия, так и Борис Годунов, вместе со своими сторонниками, искал смерти Димитрию, опасаясь, что войдя в возраст, тот наследует престол вместо или после кончины болящего царя Фёдора Иоанновича.

«Царевич Дмитрий». 1924, Нестеров Михаил

Разрушительна страсть властолюбия! Она повсюду сеет телесную и духовную смерть! Сколько страданий, горя и крови принесла она человечеству! Святитель Тихон Задонский пишет: «Властолюбие есть великое зло в человеке и начало всякого зла… Мы знаем, что беззаконному Ироду не страшно было убить столько тысяч неповинных младенцев, чтобы только не лишиться царской власти. О, великое зло — властолюбие! Человек хочет другими владеть, но сам собою владеть не может. Беги от этого зла, чтобы не погубить себя и других».

По замыслу убийц, смерть царевича должна была послужить укреплению позиций Годуновых и стабильности в государстве, однако Промыслом Божием она стала причиной обрушившихся на Россию многочисленных бед в период Смутного времени. В конце своей жизни, по словам В. О. Ключевского, царь Борис «спрятался во дворце, редко выходил к народу и не принимал сам челобитных, как это делали прежние цари. Всех подозревая, мучась воспоминаниями и страхами, он показал, что всех боится, как вор, ежеминутно опасающийся быть пойманным…».

«Царевич Дмитрий». Клавдий Лебедев

Подчеркнем, что несмотря на официальное заключение посланной в г. Углич на место убиения царевича следственной комиссии (состоящей, впрочем, из людей Годуновых: «Угличское дело»), отвергшей версию об убийстве Димитрия, наиболее авторитетные русские историки (Карамзин Н.М., Соловьев С.М., Костомаров Н.И.) в один голос говорят, что выводы, ею сделанные, ложны, а в смерти отрока прямо или косвенно виноват царь Борис. И патриарх Иов в грамоте 1606 г. писал: «Прият заклание неповинно от рук изменников своих»; и патриарх Ермоген в сказании об убиении царевича, и многие российские и иностранные современники — все единодушно говорили, что царевич убит по тайному приказанию Годунова. Пушкинская драма «Борис Годунов» также написан на основе этой версии. В «Истории Русской Церкви» митрополита Макария говорится именно об убийстве отрока.

В период жизни царевича Годунов постоянно видел в нем угрозу своей власти. Он то объявлял его рождение незаконным, что автоматически лишало бы отрока прав на престол, то сравнивал его характер с характером отца — Иоанном Грозным, что пугало бояр и народ, то подсылал людей отравить царевича. Отрок превратился в личного врага Годунова, который стремился погубить царевича.

В итоге подосланные Годуновым люди зарезали отрока. Убийство было выдано за несчастный случай: якобы царевич Димитрий, играя с другими детьми, в приступе эпилепсии («черной немочи») во время судорог сам себя смертельно заколол. Однако в свете современных представлений об эпилепсии это невозможно, поскольку в самом начале эпилептического припадка человек теряет сознание и удержать какие-либо предметы в руках он не в состоянии. Да и невозможно представить, чтобы Святая Церковь причислила к мученическому лику самоубийцу, от мощей которого впоследствии происходили неисчисляемые чудеса и исцеления. Да замолчат уста нечестивых, глаголющих сию неправду! Впрочем, лгали и на воскресшего Христа Спасителя, говоря, что ночью Его ученики пришли и унесли тело, когда стерегущие пещеру воины спали…

«Житие царевича Дмитрия Угличского», повествующее о трагической гибели в Угличе сына Ивана Грозного, известно в четырех редакциях: Четьих Миней Германа Тулупова, князя С. И. Шаховского, Четьих Миней Иоанна Милютина и Четьих Миней Дмитрия Ростовского. В Четьи Минеи Иоанна Милютина записано: «И совершили те окаянные по сказанному: как змея со змеей, пошептавшись, сговорились вместе будто на птенца голубиного, хотя тайно его погубить; эти жестокие кровопийцы готовы были на пролитие той неповинной крови, и набросились на него, как волки безжалостные, и совершили то ужасное дело: посреди двора его один из них взял его за шею и перерезал ему горло».

«Легенда о царевиче Димитрие». 1967, Илья Глазунов

Царевич Дмитрий был погребен в Угличе, во дворцовом храме в честь Преображения Господня. 3 (13) июля 1606 г. святые мощи страстотерпца царевича Димитрия были обретены нетленными. После канонизации его останки были перенесены в Архангельский собор московского Кремля. У гроба Димитрия происходили чудеса: люди исцелялись от слепоты, хромоты, глухоты, гнойных язв, бесовской одержимости.

На Руси царевич почитается как попечитель страждущих детей: сирот, инвалидов и беспризорников. В 1997 г. Русской Православной Церковью совместно с Российским детским фондом по инициативе председателя фонда писателя Альберта Лиханова учреждён Орден святого благоверного царевича Димитрия. Им награждаются лица, внёсшие значительный вклад в дело попечения и защиты страждущих детей. Орденом могут награждаться как отдельные лица, так и организации: детские дома, больницы, приюты, воспитательные учреждения, семейные детские дома.

По благословению Святейшего Патриарха Московского и всея Руси Кирилла «День царевича Димитрия» приобрел в 2011 г. статус Всероссийского православного детского праздника. Ежегодно в Угличе 28 мая в торжественной обстановке проводится православный праздник День Царевича Димитрия

«Царевич Дмитрий Иоаннович».Копия из «Титулярника» XVII века

Молитва благоверному царевичу Димитрию:

О преславный и дивный в чудесех, красото мучеников, страстотерпче царевичу княже Димитрие! Скоро предстани Небесному Царю и мученическия твои руце о нас, грешных, молебне к Нему простри, яко имеяй дерзновение велико; сохрани же твоими молитвами град сей, и вся грады и веси православныя, и Святейшаго Патриарха (имя рек) и преосвященныя митрополиты, архиепископы, епископы и весь священный чин церковный, и в палате братию нашу, и вся православныя христианы; всех нас приими во твое заступление, и от всех бед и зол избавляя, и от нашествия видимых и невидимых борющих нас врагов свобождая, и тех всяк навет и злохитрство погубляя и отгоняя; таже прегрешений наших прощение испроси, и в век будущий Небеснаго Царствия нас сподоби, и спасенных Богу представи, благодатию и человеколюбием Господа и Спаса нашего Иисуса Христа, Емуже честь и поклонение подобает, ныне, и присно, и во веки веков.
Аминь.

Святый благоверный княже-мучениче Димитрие, моли Бога о нас!